Литванија го презема шестмесечното претседавање со ЕУ, а нејзините официјални претставници изјавија дека главни приоритети ќе им бидат финансиската стабилност и економскиот раст.
Ирска, која претседаваше со ЕУ во претходните шест месеци, согласно принципот на ротација и го предава мандатот на Литванија, која е млада членка на Унијата.
Претседателката на Литванија, Далија Грибаускајте, најави за време на минатонеделниот самит во Брисел дека литванското претседавање ќе води сметка за интересите на граѓаните на своите членки, кои по приемот на Хрватска, се 28 на број.
– Ќе се стремиме кон финансиска стабилност, економски раст и намалување на невработеноста, посебно меѓумладите, истакна Грибаускајте.
Претседавањето со ЕУ од 1. јануари 2014 година ќе го преземе Грција.