Литванците собираат пари да купат дрон за Украина

Од:

Граѓаните на Литванија собираат пари за да го купат напредниот воен дрон „Бајрактар“, што ќе биде ​​наменет за Украина во војната против Русија, и на тој начин ќе се солидаризираат со таа земја.

Околу три милиони евра (3,2 милиони долари) од потребните пет милиони се собрани за само три дена, главно во мали износи, се наведува во извештајот на локалната ТВ Лаисвес, литвански интернет-предавател што ја започна акцијата.

– Пред да започне оваа војна, никој од нас не мислеше дека ќе купуваме оружје. Но, сега тоа е нормална работа. Мора да се направи нешто за светот да биде подобро место, изјави Агне Беликајте (32), која испратила 100 евра веднаш штом во средата започна кампањата за собирање средства.

Беспилотните летала се покажаа ефикасни во изминатите години против руските сили и нивните сојузници во конфликтите во Сирија и Либија, а купувањето на ова оружје го координира литванското Министерство за одбрана, кое планира следната недела да потпише писмо со намери за купување беспилотни летала од Турција.

Украина во последните години купи повеќе од 20 воени дронови од типот Бајрактар ​​ТБ2 од турската компанија Бајкар, а на 27 јануари нарача уште 16.

– Ова е првпат во историјата обичните луѓе да собираат пари за да купат оружје. Тоа е без преседан, неверојатно, изјави за ТВ Лаисвес ​​украинската амбасадорка во Литванија, Бешта Петро.

Извор: МИА

Би можело да ве интересира

ВИДЕО: Украинците погодија складиште за нафта во самопрогласената Луганска република

Катерина Ѓуровски

ВИДЕО: Русија жестоко ја нападна Одеса, има мртви и ранети

Катерина Ѓуровски

ВИДЕО: Голем напад на Русија, пожар во магацин за дронови „Шахед“

Катерина Ѓуровски

Захарова: „Имаме докази, вклучени се САД и Велика Британија“

Русите: Ја презедовме контролата

Американец кој се борел како платеник за Украина е осуден на 6 години затвор