Лидерот на Ал Каеда, Ајман ал Завахири ги повика своите следбеници и сите екстремисти во Сирија да се обединат и да се подготват за „продолжен џихад“.
Тој преку аудио снимка, која денеска ја објави медиумскиот огранок на АЛ Каеда, Ас Сахаб порача да се промени тактиката и да се премине на герилска војна.
– Меѓународниот сатански сојуз никогаш нема да може да го прифати владеењето на исламот во Сирија, рече тој.
Ал Завахири појасни дека оваа војна не е исклучиво сириска, туку кампања на сите муслимани со цел воспоставување на божјо владеење.
Коалицијата, предводена од САД изминтите месеци ги зајакна воздушните напади врз сирискиот огранок на Ал Каеда, Фронтот Фатах ал Шам, убивајќи некои од неговите главни лидери.