Претседателот на Националнолибералната партија во Романија Крин Антонеску, изјави денеска дека ја презема одговорноста за неуспех на евроизборите и запрашан дали ќе поднесе оставка одговори дека „нема никакво сомневање во врска со тоа“.
– Резултат од 15 проценти за Националнолибералната партија не може да биде задоволителен, тоа е резултат под нашите очекувања. Непостигнувањето на таа цел е неуспех, кој претседателот на прво место и потоа останатите треба да го преземат, рече Антонеску.
Потпретседателот на партијата Клаус Јоханис пред неколку минути објави дека веќе поднел оставка.