„Зад нападот стои Хезболах во тесна соработка со иранскиот Корпус на гардистите на исламската револуција“, обвини израелскиот министер за надворешни работи, Авигдор Либерман.
Израелскиот премиер Бенјамин Нетанјаху уште вчера за крвавиот напад врз изреалските туристи во Бугарија, го обвини Иран и се закани дека Израел ќе реагира на ударот.
Израелскиот министер за одбрана Ехуд Барак , посочи дека Израел се соочува со светски терористички бран, спонзориран од Иран.
Иран, преку иранската државна телевизија ги отфрла обвинувањата за вмешаност во нападот во Бургас.
Во коментар објавен на Интернет страницата на телевизијата, тврдењата на Нетанјаху и на други израелски претставници за вмешаноста на Иран во нападите се означени како „смешни и сензационалистички“.