Летовите од аеродромот во Братислава денеска беа прекинати поради предупредување за бомба, изјави портпаролката на аеродромот Стефаник, Вероника Демовицова.
Според неа, пристигнувањата на аеродромот не се суспендирани, но патниците на тие летови мора да останат во авионите и да чекаат дополнителни инструкции, пренесува ТАСР.
„Ова се однесува на пристигнувања на Smartwings од Марса Алам и Мерса Матрух (Египет), пристигнувања на Rianair од Бургас (Бугарија) и Алгеро (Сардинија) и Мави Гок од Анталија“, додаде Демовицова.