Летонија од 1 јануари го презема од Италија претседавањето со Европската унија, а како свои главни приоритети ги нагласува зголемувањето на конкурентноста и работата на енергетската независност на Европската унија.
Летониската премиерка Лајмдота Страујума на состанокот со претседателот на Европската комисија Жан Клод Јункер во Рига нагласи дека интензивно ќе работи со земјите-членки и Европскиот парламент, со цел во следните шест месеци да биде донесен закон, кој ќе го зајакне европското стопанство и ќе го поттикне отварањето нови работни места.
– Посебно внимание ќе посветиме на развојот на концептот Енергетска унија и јакнење на енергетската независност и внатрешниот пазар, рече Страујума.