Лидерот на левиот центар во Италија Енрико Лета денеска го уверил претседателот Џорџо Наполитано дека го завршил составувањето на новата влада, во која вицепремиер ќе биде еден од најблиските соработници на поранешниот премиер Силвио Берлускони.
Лета соопшти дека Анџелино Алфано, генерален секретар на партијата на Берлускони
„Народ на слободата“ ќе биде вицепремиер и министер за внатрешни работи во новиот кабинет.
Генералниот директор на Банката на Италија Фабрицио Сакомани ќе го предводи влијателното Министерство за економија и финансии. Поранешниот еврокомесар Ема Бонино ќе биде министер за надворешни работи.
Владата ќе положи свечена заклетва утре во 9.30 часот според Гринич. Се очекува в понеделник Лета да побара гласање за доверба од Парламентот. Политичката криза во Италија трае од изборите, одржани во февруари. Партиите од тогаш се обидуваат да формираат нова влада, но сите досегашни обиди пропаднаа.