Рускиот министер за надворешни работи рече дека Западот има „реална шанса“ да избегне конфликт во Украина, но наместо тоа „одлучи да ги отфрли руските предлози за запирање на проширувањето на НАТО и да се согласи на специјален безбедносен статус за Киев“.
Ова го изјави шефот на руската дипломатија Сергеј Лавров на прес-конференција во Москва, пренесува Ројтерс.
Западните дипломати, од друга страна, претходно изјавија дека руските предлози пред инвазијата на Украина се „нереални и неискрени“. Шефот на руската дипломатија, исто така, го обвини НАТО дека „се обидува да ја вовлече Индија во антирускиот и антикинескиот сојуз во време кога Западот се обидува да го истисне руското влијание“.
Лавров на прес-конференцијата додаде дека Јужното Кинеско Море станува регион каде НАТО е подготвен да ги подигне тензиите.