Рускиот министер за надворешни работи Сергеј Лавров рече дека се сеќава на поранешната државна секретарка на САД Хилари Клинтон како плеска со рацете и го слави убиството на либискиот лидер Моамер Гадафи во 2011 година, и наговести дека поранешниот сириски претседател Башар ал Асад моментално живее во Москва бидејќи тој и неговото семејство се под закана од слично физичко уништување во Сирија.
– Сите се сеќаваме на судбината на Моамер Гадафи, што толку ја воодушеви Хилари Клинтон, која го гледаше неговото физичко уништување во живо на телевизија и плескаше со рацете, им рече Лавров на арапските новинари, пренесува RT.
Хилари Клинтон се насмеа на веста за атентатот врз соборениот либиски претседател Моамер Гадафи во 2011 година.
„Дојдовме, видовме, тој умре“, рече Клинтон во тоа време, потсетува RT.
„Русија им даде азил на Асад и неговото семејство од чисто хуманитарни причини“, повтори Лавров, одговарајќи на обвинувањата дека Асад завршил во болница бидејќи наводно бил отруен.