Рускиот министер за надворешни работи Сергеј Лавров денес изјави дека Русија и Саудиска Арабија се надеваат дека прекинот на огнот меѓу Иран и Израел ќе биде долгорочен.
– Го поздравивме прекинот на огнот меѓу Иран и Израел, но во исто време изразивме надеж дека тој ќе биде одржлив и ќе отвори пат за продолжување на преговорите. Исто така, сме обединети во мислењето дека е потребно да се осудат какви било дејствија што би можеле да доведат до продолжување на вооружените конфликти“, изјави рускиот функционер по средбата со саудискиот министер за надворешни работи Фајсал бин Фархан, објави РИА Новости.
Лавров додаде дека двете земји веруваат дека сите спорови што ќе се појават треба да се решаваат исклучиво со политички и дипломатски средства, во согласност со Повелбата на Обединетите нации и со активна помош на државите што можат да влијаат на позициите на страните во конфликтот.