Русија, Турција и Иран се подготвуваат за новиот состанок меѓу припадниците на сириската Влада и опозицијата, изјави денеска шефот на руската дипломатија Сергеј Лавров.
Тој додаде дека ќе бидат вложени „нови напори“ за решавање на кризата во Сирија.
Министерството за надворешни работи на Казахстан вчера соопшти дека делегациите на сириската влада и бунтовниците, заедно со претставникот на Обединети нации за Сирија, Стафан де Мистура, повикани се да присуствуваат на состаноците за сириската криза, што ќе се одржат во Астана на 15 и 16 февруари.