Русија е подготвена да помогне во зголемување на воената моќ на армијата и на безбедносните структури на Либан за справување со тероризмот, изјави денеска во Њујорк рускиот министер за надворешни работи Сергеј Лавров.
– Безусловно го поддржуваме либанскиот народ во отпорот кон терористички и естремистички групи како што се Исламската држава и Фронтот ал Нусра, изјави Лавров на состанокот на Групата за поддршка на Либан.
Како што јави ТАСС, Лавров нагласи дека за таа цел Русија и Либан неодамна потпишале дополнителни договори за испорака на руска специјална заштитна опрема за либанските сили.