Рускиот министер за надворешни работи Сергеј Лавров денес изјави дека е изненаден од тврдењето на американскиот државен секретар Марко Рубио дека Москва не е подготвена за компромис во преговорите со Киев.
„Бев изненаден што Марко Рубио, неодамна зборувајќи во Конгресот, рече дека би сакал конфликтот во Украина да заврши оваа година, но дека не ги оценил шансите како многу високи, бидејќи страните сè уште не се подготвени да направат отстапки, особено Русија“, рече Лавров, според новинската агенција РИА Новости.
Лавров рече дека е особено невообичаено да се чуе ова од Рубио, кој беше учесник на состанокот во Анкориџ, Алјаска, минатиот август.