Сите технички и правни прашања околу примената на безвизен режим меѓу Русија и ЕУ се решени, останува само политичко решение, изјави денеска рускиот министер за надворешни работи Сергеј Лавров.
Вчера рускиот министер разговараше со амбасадорите на 27-те земји членки на ЕУ за спроведување на заеднички чекори за примена на безвизен режим со цел за постигнување договор за укинување на визите за краткорочни патувања на руски граѓани и граѓани од ЕУ.
Сергеј Лавров потврди пред амбасадорите дека Москва е цврсто решена да развива обострана и трајна соработка со Европската унија.