Преговорите за решавање на конфликтот во Сирија, закажани за 8 февруари во Женева се одложуваат за крајот на февруари, изјави рускиот министер за надворешни работи, Сергеј Лавров.
– На женевските преговори треба да почне работата за уставот на Сирија, истакна Лавров.
Тој нагласи дека рускиот прокет за уставот на Сирија, доставен изминатите денови до делегатите на сириската опозиција во преговорите во Астана, се резиме на Владата и на опозициските групации од последните години.
– Текстот, разработен од Русија, ќе им биде доставен денеска и на сириските опозициски претставници, кои разговараат со Лавров во Москва, изјави за ТАСС Али Абдусалам од курдската партија Демократски сојуз, која е учесник на средбата.
Според Лавров рускиот проект за новиот устав на Сирија е доставен со цел да се стимулира уредувањето на конфликтот во Сирија.