Преговорите меѓу Палестинците и Израелците во Каиро треба да доведат до договор за трајно примирје, изјави денеска шефот на руската дипломатија Сергеј Лавров на средбата со главниот палестински преговарач со Израел, Саеб Еракат, член на раководствот на Организацијата за ослободување на Палестина.
– Многу не вознемирува ситуацијата во Појасот Газа и околу неа. Вложуваме напори активно да ја поддржиме иницијативата на Египет, посочи Лавров.
Тој наведе дека преговорите со посредство на Египет треба да резултираат со договор за долгорочно и стабилно примирје.
– Убедени сме дека таа цел треба да стане добар повод за да почне сеопфатно решавање на палестинско-израелскиот конфликт, посочи Лавров.