Шефот на руската дипломатија Сергеј Лавров не ја исклучува можноста на меѓународната мировна конференција посветена на Сирија, која треба да се одржи во ноември во Женева, да учествуваат и претставници на сириската опозиција.
– Не ја исклучувам можноста претставници на вооружената сириска опозиција да бидат таму, доколку не се држат до своите екстремистички ставови, изјави Лавров денеска во Москва по средбата со генералниот секретар на Организацијата за исламска соработка, Екмеледин Ишаноглу.
Лавров наведе дека се уште не е извесно дали Западот ќе може да ги доведе претсатвниците на сириската опозиција на преговарачката маса во Женева.
Ветувањето на Сирија дека ќе се откаже од арсеналот на хемиско оружје и ќе го предаде под меѓународна контрола, ги зголеми надежите за одржување на меѓународна мировна конференција, што во мај ја предложија Русија и САД.