Рускиот министер за надворешни работи Сергеј Лавров ја обвини Украина за обид за атентат врз висок руски генерал во Москва. Според него, како што објави Ројтерс, наводниот чин покажува дека украинскиот претседател Володимир Зеленски „се обидува да го саботира мировниот процес“ по разговорите одржани во Абу Даби претходно оваа недела.
Кремљ не понуди докази за тврдењата, пишува „Гардијан“.
Висок руски воен функционер, Владимир Алексеев, заменик-началник на Генералштабот (ГРУ), беше застрелан денес во Москва и однесен во болница во критична состојба. Кремљ потврди дека Владимир Путин бил информиран за обидот за атентат, а Истражниот комитет отвори случај за обид за убиство.
Алексеев беше меѓу функционерите кои преговараа со водачот на платениците Евгениј Пригожин во јуни 2023 година за време на неговиот краткотраен бунт, а од почетокот на војната во Украина имаше неколку напади врз високи руски воени функционери.
