Шефот на руската дипломатија Сергеј Лавров и државниот секретар на САД Џон Кери го разгледаа во телефонски разговор денеска прашањето за текот на мировните преговори во Женева меѓу претставници на сириската Влада и опозициските сили, соопшти руското МНР.
Разговорот бил на американска иницијатива.
– Во согласност со барањата за резолуцијата 2254 на СБ на ОН била истакната неопходноста детално да се разгледаат во текот на меѓусирискиот дијалог темите за борбата против тероризмот, олеснувањето на хуманитарната ситуација, вклучувајќи испорака на помош за цивилното население во опколените реони, а исто така и подготовка на политички реформи врз основа на заемна согласност на сириските страни, се наведува во соопштението.