Рускиот министер за надворешни работи Сергеј Лавров изјави дека е тешко да се замисли во нормална држава дека претседателот на Република Српска Милорад Додик извршил кривично дело затоа што не ги почитувал одлуките на Кристијан Шмит и нагласи дека БиХ ќе мора да се подготви за непријатни прашања на седницата на Советот за безбедност на ОН во октомври.
„Шмит е активно потпомогнат од Уставниот суд на БиХ, кој е под контрола на ЕУ, и не им дозволува на народите на БиХ да ги решат своите проблеми“, рече Лавров на прес-конференција во Москва по средбата со претседателот Додик.
Лавров рече дека Русија е еден од гарантите на Дејтонскиот договор и ќе продолжи да го поддржува овој најважен документ.