Секретарот на Врховниот совет за национална безбедност на Иран, Али Лариџани, тврди дека е смислен план за инцидент сличен на оној што се случи на 11 септември во Америка и дека Иран ќе биде обвинет за тоа.
„Слушнав дека преостанатите членови на мрежата на Епстин се заговориле да создадат инцидент сличен на 11 септември и да го обвинат Иран“, напиша тој на својот X, како што објави Курдистан24.
Тој нагласи дека Иран се спротивставува на ваквите терористички планови и дека тие не водат војна против американскиот народ. Тој вели дека целта на Техеран е само да се одбрани од агресија.
„Иран се држи до тоа за да им одржи лекција на агресорите“, напиша Лариџани.
Оваа изјава следеше по зголемените тензии по серијата ирански напади насочени кон американските воени позиции и средства во Заливот.
Претходно, Заедничката воена команда на Иран, исто така, објави тврдење дека Израел и Америка користат лажни ирански беспилотни летала за да ги нападнат Турција, Кувајт и Ирак за да изгледа дека Техеран е виновен за нападите.