Лам: Одлуката за повлекување на законот е моја и е поддржана од кинеската Влада

Од:

Лидерката на Хонг Конг, Кери Лам, изјави дека законот за екстрадиција, што ги предизвика повеќемесечените демонстрации низ градот, формално ќе биде повлечен на законодавниот совет без расправа или гласање и истакна дека повлекувањето на овој спорен закон е одлука на нејзината влада, што била поддржана од Кина.

На прес конференција во Хонг Конг, Лам денеска ги изнесе и првите детали за повлекувањето на законот. Таа кажа дека нема да има расправа и гласање во советот, што од следниот месец повторно почнува со работа, а во него се наоѓаат многу прокинески пратеници, пренесуваат американските медиуми.

Лам, исто така, изјави и дека повлекувањето на законот е одлука на нејзината влада, која била поддржана од централната кинеска Влада. Таа демантира дека направила свртување во политиката по трите месеци масовни протести.

Таа наведува дека предлог законот го суспендирала кон средината на јули, само неколку дена по почетокот на протестите, и уште тогаш прогласила дека тој е ефективно неважечки.

Лам смета дека формалното повлекување на законот ќе биде маслиновата гранка за отворање на дијалогот со огорчените демонстранти и е обид за барање излез од ќорсокакот во кој Хонг Конг се наоѓа.

Противниците на законот веќе кажаа дека нејзиното повлекување е „премалку и предоцна“ ,а дека таа сега треба да ги реши и другите барања поставени во текот на протестите.

Би можело да ве интересира

Кинескиот потпретседател Хан Женг ќе присуствува на инаугурацијата на Трамп

Горан Наумовски

(ВИДЕО) Бројот на загинати во земјотресот во Тибет се искачи на 126

Горан Наумовски

Кинеска вселенска ракета експлодираше откако беше лансирана

Горан Наумовски

Кина распоредува голем број бродови околу Тајван

Горан Наумовски

Кинескиот министер за одбрана под истрага за корупција

Адмирал на НАТО до претприемачите: Подгответе воено сценарио