Гувернерот на Њујорк, Ендрју Куомо ги повика граѓаните да ги разликуваат гневот на демонстрантите предизвикан од смртта на Џорџ Флојд и однесувањето на крадците кои оперираат во одредени делови на градот.
– Демонстрантите се поинакви од разбојниците, рече Куомо, додавајќи дека полициски час е воведен со цел полицијата да се справи со крадците.
Тој истакна дека во моментов има три тековни проблеми – пандемијата на коронавирусот, протестите и кражбите, и дека секој треба посебно да се решава.
Куомо додаде дека ги поддржува демонстрантите затоа што тие, како што рече, сакаат подобра Америка.