Куба денеска ослободи тројца свои политички затвореници, а претседателот на кубанската Комисија за човекови права и помирување Елисардо Санчез изјави оти смета дека тој потег е преземен во согласност на американско-кубанскиот договор за ослободување на 53 затвореници.
Санчез изјави дека кубанските власти ги пуштиле на слобода 19-годишните близнави Дијанго Варгас и Мартин и Бјанко Варгас Мартин, без никакви судски процедури кои инаку се вообичаени кај ослободувањето на политички затвореници.
Под слични околности на слобода е пуштен уште еден затвореник Енрике Фигерола Миранда.
Во согласност на подобрувањето на односите меѓу Куба и САД, властите на двете земји се договорија за ослободување на 53 кубански политички затвореници, на барање на администрацијата на претседателот на САД Барак Обама.