Куба ги ослободи сите 53 политички затвореници, кои претходно вети дека ќе ги ослободи, изјавија високи американски претставници.
Ослободувањето на останатите затвореници создава поволна атмосфера за историски преговори следната седмица, насочени кон нормализирање на односите по децении непријателство, изјавија претставниците, кои побараа анонимност.
Тие го оценија ослободувањето на последните затвореници, извршено во текот на викендот, како важен настан, но рекоа оти Вашингтон ќе продолжи да врши притисок врз Хавана за ослободување на уште луѓе, кои САД ги сметаат за политички затвореници.
Според нив, кубанските власти ја известиле американската Влада, дека се ослободени последните лица од списокот со затвореници.