Две лица беа убиени во нападите извршени во рускиот напад врз Киев. Во нападот покрај жртвите има голема материјална штета, објавија украинските власти.
Градоначалникот на Киев, Виталиј Кличко, изјави дека од 26-те пациенти во приватната клиника што беше погодена во нападот, 16 се префрлени во градските болници, а од тројцата повредени, две лица се во тешка состојба, објави УНИАН.
Според украинската национална полиција, починал маж роден 1995 година, кој бил на болничко лекување. Меѓу повредените има и три жени кои беа ба болничко лекување.
Државната служба за вонредни состојби на Украина објави дека четирикатна болничка зграда со активно болничко одделение била директно погодена.
„Пожарот е изгаснат, а за време на прегледот на просториите, пронајдено е телото на едно лице“, се вели во соопштението.