Млад маж и млада жена загинаа во руски напад врз трговски центар во градот Суми, во североисточна Украина, а најмалку 20 лица се повредени, соопшти денеска окружната воена управа на градот.
„Меѓу загинатите во непријателскиот напад врз трговскиот центар во Суми се 21-годишен маж и млада жена“, се наведува во соопштението, што го пренесе „Укринформ“.
Меѓу повредените, една жена е во исклучително критична состојба, додека двајца мажи и една жена се во тешка состојба.
Во рускиот напад врз трговскиот центар беа повредени и три девојки на возраст од 15 до 16 години.
