Царините планирани од американскиот претседател Доналд Трамп ќе имаат негативни последици ширум светот, изјави денеска претседателката на Европската централна банка (ЕЦБ), Кристин Лагард.
Зборувајќи за ирското радио Newstalk, Лагард рече дека штетата што ќе ја предизвикаат тарифите на Трамп зависи од нивниот опсег и времетраење, како и од тоа дали ќе доведат до успешни преговори.
Според неа, трговските конфликти често се штетни за страната што ги иницирала, па често водат до преговори во кои ќе бидат укинати некои царини, пренесува Ројтерс.