Москва одби да ја потврди изјавата на белорускиот претседател Александар Лукашенко дека Русија и Белорусија ќе распоредат заедничка регионална воена оперативна единица.
На прашањето да ја коментира изјавата на Лукашенко, портпаролот на Кремљ, Дмитриј Песков, рече дека Путин и Лукашенко постојано разговараат за „интеракцијата во многу области, вклучително и одбраната“ во нивните контакти, пренесува Си-Ен-Ен.
Белорускиот лидер претходно денеска изјави дека Белорусија и Русија ќе распоредат заедничка воена работна група како одговор на, како што рече, „влошување на ситуацијата на западната граница на сојузната држава“, објави денеска белоруската новинска агенција Белта.
Лукашенко рече дека формирањето на групата започнало пред два дена и дека НАТО и голем број европски земји ги разгледуваат опциите за можна агресија врз Белорусија.