„Патриотските Европјани кои сакаат да го заштитат западот од исламизација“ не успеаа да организираат масовни протести во Лајпциг каде што вчера вечер се најавуваа дури и до сто илјади луѓе вклучувајќи ги и тие што демонстираат против ПЕГИДА.
Причината за помалиот број демонстранти се десетината групи контрадемонстранти кои ги спречувале приврзаниците на ПЕГИДА или ЛЕГИДА како што во Лајпциг се нарекува ова движење.
Германската полиција распоредила 4000 припадници на специјалните единици кои што имаат задача да спречат судир меѓу двете групи.
Контрадемонстрантите ги блокирале улиците во близина на главниот плоштад во Лајпциг – Аугустплаз и не дозволувале приод на членовите на ПЕГИДА до протестот кој е организиран откако германските власти во понеделникот го забранија протестот во Дрезден поради смртни закани за лидерот Луц Бахман.
Тој си даде оставка од советот на движењето откако весникот Билд објави фотографија на која тој позира во стилот на Хитлер.