Комисијата за Европска унија во британскиот Дом на лордовите соопшти дека Романија и Бугарија се присоединиле во ЕУ „пред да бидат подготвени“ во 2007 година.
Проблемите со корупцијата и судската реформа треба да бидат решени пред земјите да станат членки, истакнаа лордовите. Тие посочија дека Унијата треба повнимателно да се увери дека земјите ги почитуваат човековите права и демократијата, пред тие да се присоединат кон ЕУ.
Кога Романија и Бугарија се присоединија кон ЕУ во 2007 година, одобрените критериуми, на кои земјите требаше да одговорат, не беа целосно применети, што значи дека двете земји се присоединија без доволен напредок во судската реформа и борбата против корупцијата, смета комисијата.
Тој недостиг доведе до тоа тие две земји да бидат „ставени на шините“ по присоединувањето, изјави претседателот на Комисијата лорд Бозуел. – Не можеме да дозволиме тоа да се случува повеќе, истакна тој.
Седум земји во моментот водат преговори за присоединување кон ЕУ – Македонија, Исланд, Црна Гора, Србија и Турција, Албанија и Босна и Херцеговина. Хрватска треба да се приклучи кон ЕУ на 1 јули 2013 година, со што бројот на членките на ЕУ ќе стане 28.
Лордовите исто така изразија „сериозна загриженост“ во врска со фактот дека му беше дозволено на Кипар да се присоедини кон ЕУ во 2004 година, и покрај билатералниот спор со Турција за Северен Кипар, кој сега има „тешки последици“ врз напредокот на самата Турција на патот на нејзино членство во ЕУ.