Национална географија – Вашингтон
Во моментов живееме во најбезбедното време во човековата историја. Се разбира, „силната политика” се врати, а многу од најголемите проблеми на планетата остануваат нерешени. Сепак, релативно гледано, втората деценија на 21, век е одлично време да се биде жив.
Но, кое беше најлошото време за живеење? Ова прашање случајно беше поставено по неодамнешната историска студија која се обидува да сфати како се сменил европскиот монетарен систем по падот на Западното Римско царство. Истражувачите барале докази за загадувањето од преработката на сребро во ледени јадра длабоко во европските Алпи. Така, наидоа на сите видови увид во природните катастрофи и климатски промени во текот на вековите.
Една работа е јасна: векот по 536. година било проклето, мизерно време на живеење.
– Тоа беше почетокот на најлошиот период за живот, 536. година е можеби најлошата година, вели водачот на студијата, Мајкл Мекормик, историчар на Харвард.
Таа ера била мрачна, не поради крвавите војни и подмолни болести, но и поради екстремните временски услови, што довело до ширење на глад. Некои од доказите укажуваат на „вулканска зима”, кога пепел и прашина исфрлени со вулканска ерупција го затскриле Сонцето со „мистериозен облак”.
Никој не е сигурен кој вулкан е виновен за таквата зима, но веќе подолго време, многу научници се сомневаат на вулканот Илопанг во Салвадор. Меѓутоа, оваа нова студија сугерира дека ерупција на вулкан во Исланд била виновникот, бидејќи леденото јадро во Европа содржи вулканско стакло, кое хемиски е слично на честичките пронајдени низ Европа и Гренланд.
Без оглед на вулканот, неговите ефекти биле широко распространети. Во Кина снег паднал во текот на летото, а суши го погодија Перу. Во меѓувреме, галските аналите зборуваат за „неуспешноста на лебот во 536. година“. Се чини дека не постоел агол на Земјата, кој не претрпел последици од големиот вулкански облак. Прокопиј, византиски историчар, исто така, пишува за стравот и гладта, предизвикани од магловитото помрачување на Сонцето.
Мини леденото доба, исто така, предизвикало многу социјални проблеми. Некои истражувачи тврдат дека последиците од ерупцијата на вулканот од 536. година биле толку длабоки што уривале царства. Како што е наведено во една студија од 2016 година, во векот по вулканската ерупција следувале падот на Персиската империја, падот на Источното Римско Царство, политички пресврти во Кина и многу други случаи на крвави социјални немири во Евроазија.
Сè на сè, ужасно време за живот.