Вршителот на должност американскиот амбасадор во Обединетите нации, Џонатан Коен, денеска изјави дека политиката на Вашингтон кон Иран останува „економски и дипломатски напор“ за да ја врати таа земја на преговарачката маса.
Тој, по седницата на Советот за безбедност на ОН за Иран, свикана по барање на САД, наведе дека пред тоа тело ги презентирал доказите од САД дека Иран стои зад нападите врз танкерите за нафта на Блискиот Исток во мај и јуни и го повика светот да му каже на Техеран дека тоа е неприфатливо.