Европската унија ја прифати одлуката на исландската влада за замрзнување на преговорите за членство, но ќе продолжи да гради партнерски односи со островската држава, изјави денеска Маја Коцијанчич, портпарол на комесарот за соседска политика и проширување Јоханес Хан.
Ја почитуваме слободната и суверена одлука на исландската влада, а вратата кон ЕУ останува отворена, изјави Коцијанчич пред новинарите во Брисел.
Исланд официјално ја одложи одлуката за повлекување до преговорите за членство во ЕУ по протести на граѓани, кои бараа распишување на референдум за ова прашање.
– Исланд не е формално повлечен, туку само ги замрзнува преговорите на две години, истакна Коцијанчич, додавајќи дека откажувањето на Исланд од влез во ЕУ нема да влијае на процесот на проширување на унијата.