И покрај предупредувањата од западните лидери за скорешен руски напад, градоначланикот на Киев, Виталиј Кличко вели дека украинската проценка на ситуацијата е поинаква од онаа на американскиот претседател Џо Бајден кој рече дека смета оти во следните неколку дена ќе има инвазија.
Зборувајќи за „Би-би-си“, Кличко вели дека украинските безбедносни служби му кажале дека руските сили се на истите позиции на украинската граница. Додава дека сега е позагрижен во однос на пред една седмица и дека населението во источна Украина било многу вознемирено по нападите во четвртокот наутро кога беше погодена градинка.
„Се надеваме дека овде, на безбедносната конференција во Минхен ќе најдеме решение. Дипломатијата е само еден од начините во оваа чудна ситуација“ – вели Кличко.