Израел веројатно сам го извршил нападот врз иранското гасно поле Јужен Парс, изјави поранешниот командант на НАТО, генерал Весли Кларк. Тој за Би-Би-Си њуз изјави дека работите се движат многу брзо во оваа војна и дека аналитичарите лесно можеле да пропуштат некои детали, објави Би-Би-Си њуз.
Според Кларк, Иранците мора да разберат дека „во моментов се во ќорсокак“ и дека мора да се постигне договор за запирање на големите инвестиции во балистички ракети и за регионалната безбедност.
„Со оглед на тоа како функционира човечкиот ум во конфликт, две и пол недели не е долго време, па претпоставувам дека ова ќе продолжи“, рече тој.
Кларк додаде дека лидерите на иранскиот режим мора да разберат дека „мнозинството од нивниот народ не ги поддржува и нема да ги поддржи“.
