Кина оваа година започнува таканаречена „тоалет револуција“ со која планира да го подигне нивото на хигиена на туристичките локации во државата, пренесе „Синхуа“.
Оваа кампања ќе трае три години и за тоа време ќе бидат изградени 35.500 нови, а ќе бидат реновирани уште 25.000 тоалети на јавни локации и тоа во близина на најголемите туристички атракции и во најпосетуваните градови.
-Посетителите долго време се жалеа на хигиената во тоалетите ширум Кина. Ова револуција започнува во момент кога државата бележи пад на бројот на туристи – наведе „Синхуа“.
Според наводите властите соопштиле дека во наредните три години ќе се поправи општата слика и дека ќе се уреди оваа област.
-Туристите долго се жалеа и на бројот и на нехигиенските услови, но и на слабото раководење со јавни тоалети-изјави Ли Ѓинзао од Националната управа за туризам.
Е. Г.