Кинескиот уметник Ај Вејвеј најави дека ќе постави меморијален споменик на грчкиот остров Лезбос во чест на бегалците, од кои голем број загинаа обидувајќи се да стигнат до Европа.
– Многу луѓе ги загубија животите под ударите на брановите, потребен ни е споменик, посочи Ај.
Тој додаде дека веќе отворил студио на Лезбос, додавајќи оти многу негови студенти учествуваат во проектот.
– Ова е историски момент од секоја перспектива. Како уметник, сакам повеќе да бидам вклучен, сакам да правам уметнички дела кои се поврзани со кризата и да придонесам луѓето да станат посвесни за ситуацијата, потенцира кинескиот уметник.
Ај (58) на почетокот од неделата ги посети бегалците на Лезбос.