Кинеските власти ги откажаа плановите за изградба на инсталации за збогатување ураниум во градот Хошан во јужниот дел на Кина, откаки стотици демонстранти излегоа на улиците со барање за стопирање на проектот.
Според плановите комплексот требаше да се изгради на 230 хектари во провинцијата Гуандун, а проектот беше вреден шест милијарди долари.
Плановите на кинеските власти наидоа на негодување и од населението на соседните Хонгконг и Макао.
– Како одговор на барањата на населението властите во Хошан нема да го и предложат проектот на Кинеската национална нуклеарна корпорација, се наведува во кусото соопштение на вебстраницата на властите во овој кинески град.