Началникот на Генералштабот на кинеската армија генерал Фан Фанхуеј изјави дека неговата земја ќе ја заштитува нафтената платформа, која беше распоредена во морска територија, над кои Виетнам има претензии, и ќе гарантира продолжување на нејзината работа.
– Тоа што ќе го направиме е да ја гарантираме безбедноста на таа нафтена платформа и продолжување на нејзината работа, изјави Фанхуеј, по средбата во Пентагон со американскиот колега, претседателот на Советот на генералштабовите на вооружените сили на САД, генерал Мартин Демпси.