Кинеската Влада е подготвена да ја одобри изградбата на нови атомски електрани во рамки на амбициозниот план за намалување на зависноста од нафта и јаглен, со што се става крај на мораториумот кој е воведен после хаваријата на јапонската нуклеарка „Фукушима“ во март минатата година.
Кинеската Влада, како што соопшти, планира 30 отсто од вкупното кинеско производство на електрична енергија да го добива од енергијата на сонцето, ветерот и други обновливи извори, како и од нуклеарната енергија до крајот на 2015 година.
Тоа е поголем показател од претходната цел на производството на 15 отсто електрична струја од обновливи извори и пет отсто од нуклеаната енергија до 2020 година.