Севернокорејскиот лидер Ким Џонг Ун изјави дека зајакнувањето на силите за специјални операции и специјализираните снајперисти е важно за изградба на вооружените сили на земјата, објави денес државната новинска агенција КЦНА.
„Важна задача за изградба на нашите вооружени сили е драстично зајакнување на силите за специјални операции и специјализираните снајперски сили во иднина“, рече Ким за време на посетата на база за обука на силите за специјални операции.
КЦНА, исто така, соопшти дека севернокорејскиот лидер тестирал и нови видови снајперски пушки.