Претседателот на Северна Кореја Ким џонг Ун ја критикуваше државната метеоролошка служба поради „неточни“ прогнози, барајќи службата „од темел“ да го промени својот начин на работа и да ја модернизира опремата.
Ким побара да се користи модерна опрема истакнувајќи дека метеоролозите се потребни за да ги штитат животите и имотот на луѓето од природни катастрофи предизвикани од „ненормални климатски феномени“.
– Има многу погрешни предвидувања, бидејќи метеоролошките набљудувања не се засновани на модерни и научни основи, рекол Ким за време на инспекцијата на Хидрометеоролошката служба во Пјонгјанг.