Руските сили убиле 213 деца во Украина од 24 февруари досега, според податоците на Украинското државно обвинителство.
„Повеќе од 602 деца настрадаа во Украина како резултат на вооружената агресија на Русија. Поточно, загинаа 213 деца, а повеќе од 389 се повредени. Овие бројки не се конечни, бидејќи се работи за областите на активни воени дејствија, на привремено окупираните и ослободените територии“, напиша на Телеграм прес-службата на Обвинителството, пренесува Укринформ.
Најголем број жртви е регистриран во Доњецката област – 122, Киевската област – 114, регионот Харков – 91, регионот Чернихив – 66, регионот Херсон – 44, регионот Миколаев – 43, регионот Луганск – 37, регионот Запорожје – 27, регионот Суми – 17, градот Киев – 16, и регионот Житомир – 15.
Извор: МИА