Руските сили во близина на Бахмут преминаа од одбрана во активни операции и за 24 часа украинските војници одбија 15 напади, изјави денеска портпаролот на Командата на копнените сили на вооружените сили на Украина, Володимир Фитјо.
Фитјо изјави дека Русите јужно од Бахмут се обидуваат да извршат притисок врз одбранбените сили на Украина.
Бахмут е град во областа Доњецк, на истокот на Украина, над кој руските сили ја презедоа контролата во мај, но подоцна украинските трупи вратија некои позиции околу градот.