Украина денеска ја обвини Русија дека извршила артилериски напади врз источниот дел на нејзината територија, првпат по склучената спогодба за прекин на огнот, во септември, соопштија француските медиуми.
-За првпат по Минските договори беа обновени нападите од страна на Руската федерација врз украинска територија, изјави армискиот портпарол Андриј Лисенко.
Според него, артилериските напади биле извршени од рускиот регион Ростов врз селото Комишне, во Луганската област, во близина на руската граница.
-Русија не се ни обидува да ги почитива Минските договори (што послужија како основа за прекинот на огнот) Таа продолжува да ги вооружува бунтовниците и да испраќа редовна војска во областите од источна Украина што се конторолирани од проруските сепаратисти, додаде Лисенко.
Тој, исто така, забележа дека бунтовниците „значително го засилиле“ гранатирањето крај стратегиското пристаниште Мариупољ, на Азовско Море.
Преди извесно време сепаратистите овој стратегиски град, последната голема населба во регионот под контрола на Киев, го прогласија за својата следна цел, потсетуваат француските медиуми.