Кетрин Расел, висок функционер во администрацијата на американскиот претседател Џо Бајден, е назначена за шеф на Детскиот фонд на Обединетите нации (УНИЦЕФ), соопштија официјално од ОН.
Расел (60) моментно е шеф на кабинетот на претседателот на Белата куќа и негов помошник.
Назначена од генералниот секретар на ОН, Антонио Гутереш, Расел ќе ја замени Американката Хенриета Фор, која поднесе оставка во јули поради семејни причини.
Во текот на нејзината кариера, Расел се залагаше за жените и девојчињата како висок советник на Комисијата за надворешни односи при Сенатот и како амбасадор за глобални женски прашања во администрацијата на Барак Обама, се наведува во соопштението на Белата куќа.
– Ќе ни недостасува Кети. Но, нашата загуба е добивка за УНИЦЕФ, бидејќи децата низ светот ќе имаат побогат, побезбеден и поздрав живот како директен резултат на лидерството на Кети во оваа нова улога, се вели во соопштението.
УНИЦЕФ е агенција на ОН предводена од 36-член одбор на директори кои ги претставуваат петте регионални групи на земји-членки на ОН: Африка, Латинска Америка и Карибите, Азија-Пацифик, Источна Европа и Европа.