Американскиот државен секретар Џон Кери ја предупреди Исламска држава дека светот нема да продолжи да се плаши од неа, откако групацијата ја презеде одговорноста за егзекуцијата на Американецот Питер Касиг.
– Овој конфликт е битка меѓу цивилизацијата и варваризмот, истакна шефот на американскатаб дипломатија.
– Доколку не успееме да ја совладаме, таа мрежа може да стане пресечна точка за сите маргинализирани лица и за оние кои се отфрлени од општеството од сите контитенти и може да натера некои од нив да извршуваат глупави и самоубиствени напади во други земји, нагласи Кери на годишниот форум во Вашингтон, организиран од издавачката куќа на списанието „Форин полиси“.
Тој додаде дека САД самите не бараат непријатели на Блискиот Исток, „но понекогаш се случува непријателите да не бараат нас“.