Американскиот државен секретар, Џон Кери, денеска изјави дека САД ќе основаат фонд од пет милијарди долари за помош на останатите земји во нивната борба против радикалните екстремисти.
Кери најави дека американскиот претседател, Барак Обама истото ќе го соопшти денеска во својот говор на Воената академија „Вест Поинт“.
Обама вчера најави големо намалување на бројот на американски војници во Авганистан до крајот на оваа година и завршување на воениот ангажман во оваа земја до крајот на 2016 година.
Тој истакна дека по завршувањето на американската воена мисија во Авганистан ќе останат околу десет илјади војници кои ќе ги обучуваат авганистанските безбедносни сили и ќе помагаат во борбата против тероризмот.
Кери објасни дека овој план ќе им овозможи на САД да ги пренасочат средствата во борбата против тероризмот во другите делови од светот.